काठमाडाैं, २९ असार । प्रधानमन्त्री केपी शर्मा ओलीले सरकारले सुरु गरिसकेका विकास आयोजनाहरूलाई प्राथमिकताका साथ सम्पन्न गर्ने प्रतिबद्धता व्यक्त गरेका छन्। उनले सरकार ‘सुरु गरिएका काम पूरा गर्ने’ अभियानमा केन्द्रित रहेको बताएका छन्।

प्रधानमन्त्री ओलीले यसको उदाहरणका रूपमा सिद्धबाबा सुरुङमार्ग आयोजनाको प्रगतिलाई प्रस्तुत गरे। उनका अनुसार, विगत एक वर्षको अवधिमा यस सुरुङमार्ग निर्माणमा ४३ प्रतिशत प्रगति हासिल भएको छ।

आफ्नो फेसबुक पोस्टमार्फत प्रधानमन्त्री ओलीले लेख्नुभएको छ, “हामी सत्तामा आएपछि स्पष्ट रूपमा भन्यौं कि हाम्रो मुख्य प्राथमिकता सुरु गरिएका कामहरू सम्पन्न गर्नु हो। सिद्धबाबा सुरुङमार्ग परियोजनाले विगत एक वर्षमा ४३ प्रतिशत प्रगति गरेको छ।” यस भनाइले सरकार विकास निर्माणका आयोजनाहरूलाई बीचमै नछाडी सम्पन्न गर्नेतर्फ कटिबद्ध रहेको सन्देश दिएको छ।