• सिद्धार्थ बैंकले आज ’एसबीएल डिबेन्चर–२०९१’ नामक ऋणपत्र निष्कासन गरेको छ । बैंकले नेपाल धितोपत्र बोर्डबाट प्रतिकित्ता एक हजार रुपियाँ दरले दुई अर्ब ५० करोड रुपियाँबराबरको २५ लाख कित्ता ऋणपत्र निष्कास गर्न अनुमति पाएको थियो ।

कुल निष्कासनमध्ये १५ लाख कित्ता व्यक्तिगत तबरबाट बिक्री गरिनेछ भने बाँकी १० लाख कित्ता सार्वजनिक निष्कासनमार्फत बिक्री गरिनेछ । १० वर्षे अवधि तथा वार्षिक ७.५ प्रतिशत ब्याज पाइने यो ऋणपत्रमा न्यूनतम २५ कित्ता र अधिकतममा सम्पूर्ण कित्ताका लागि आवेदन दिन सक्नेछन् ।

ऋणपत्र निष्कासन बन्द छिटोमा असार ३२ गते र ढिलोमा साउन ११ गते हुनेछ । लगानीकर्ताले सी–आस्वा सेवामा सहभागी बैंक तथा वित्तीय संस्थाका साथै सीडीएससीको मेरो शेयरबाट आवेदन दिन सक्नेछन् । बैंकको ऋणपत्र बिक्री प्रबन्धकमा एनएमबि क्यापिटल रहेको छ ।