कार्यक्रममा प्रधानमन्त्री ओलीले नेपाल सरकारले ‘निरोगी नेपाल’ को नाराका साथ काम गरिरहेको बताए। उनले सकेसम्म कोही बिरामी नहुन् भनेर आहार, विहार र आराममा ध्यान दिनुपर्ने र यदि कोही बिरामी परिहालेमा उनीहरूलाई गुणस्तरीय र सुलभ रूपमा स्वास्थ्य सेवा उपलब्ध गराउनुपर्नेमा जोड दिए।

प्रधानमन्त्रीले दुःख गरेर धन आर्जन गरी सामाजिक काममा दान गर्ने भाटभटेनी सुपर मार्केटका सञ्चालक मीनबहादुर गुरुङ र साबित्री गुरुङको खुलेर प्रशंसा पनि गरे। यस किसिमको परोपकारी कार्यले समाजमा सकारात्मक प्रभाव पार्ने उनको भनाइ थियो।