काठमाडाैं, ९ साउन । नेपालको विद्युतीय सवारीसाधन बजारमा नयाँ उत्साह थपिँदैछ। Geely Auto Group सँगको सहकार्यमा सीजी मोटर्सले नेपालको नम्बर १ इलेक्ट्रिक पिकअप Riddara RD6 का लागि नयाँ अफर सार्वजनिक गरेको छ। अब ग्राहकहरूले यो अत्याधुनिक EV पिकअप मात्र रु. ९.९९ लाख डाउनपेमेन्टमै प्राप्त गर्न सक्नेछन्, जुन अफर विद्युतीय सवारीप्रेमीहरूका लागि निकै आकर्षक बनाइएको छ।

यस अफरमार्फत, सीजी मोटर्सले विद्युतीय मोबिलिटीलाई नेपाली जनताका लागि थप सुलभ, भरपर्दो र सुविधा सम्पन्न बनाउने प्रयासलाई अगाडि बढाएको छ। रिड्डारा आरडी६ ले उच्च प्रविधि, बलियो बनावट र आकर्षक डिजाइनलाई संयोजन गरी व्यक्तिगत तथा व्यवसायिक प्रयोगका लागि आधुनिक विकल्पको रुपमा उभिएको छ।

Riddara RD6 मा ६३ kWh क्षमताको ब्याट्री, २०० kW पावर, र ३८५ Nm टर्क दिने सिंगल इलेक्ट्रिक मोटर जडान गरिएको छ, जसले ३७७ किलोमिटर (NEDC स्ट्यान्डर्ड) सम्मको ड्राइभिङ रेन्ज दिन्छ। यो गाडी Geely को MAP प्लेटफर्ममा आधारित छ, जसमा जडान गरिएको Independent Suspension ले नेपाली भूगोलका उकाली–ओराली सडकमा समेत सहज, आरामदायी र स्थिर यात्रा सुनिश्चित गर्छ।

यस EV पिकअपमा १२०० लिटर क्षमताको कार्गो बेड, ७० लिटरको फ्रन्ट ट्रंक, र Vehicle-to-Load (V2L) प्रविधि उपलब्ध छ, जसबाट गाडीमार्फत अन्य विद्युतीय उपकरण चार्ज गर्न सकिन्छ। साथै, Comfort, Economy, Off-road गरी तीनवटा ड्राइभ मोड, ३६० डिग्री क्यामेरा, म्याट्रिक्स LED हेडलाइट, र ६६% हाई स्ट्रेन्थ स्टीलको बडी संरचना यसलाई थप मजबुत र सुविधायुक्त बनाउँछन्।

ग्राहकहरूले यो अफर अन्तर्गत विभिन्न सुविधा प्राप्त गर्न सक्नेछन्। त्यसमा आकर्षक क्यासब्याक अफर, निःशुल्क एसेसोरीहरू, र रु. ३ लाखसम्मको एक्सचेन्ज टप-अप बोनस समेत समावेश गरिएको छ। यसले नयाँ गाडी किन्न चाहने ग्राहकहरूलाई पुरानो सवारीको सटहीमा थप राहत दिनेछ।

साथै, चार्जिङ र सेवाको पहुँचलाई सहज बनाउन सीजी मोटर्सले हालसम्म देशभर २६० भन्दा बढी चार्जिङ स्टेशनहरू र २० भन्दा बढी सेवा केन्द्रहरू सञ्चालनमा ल्याइसकेको छ। यसले Riddara RD6 मालिकहरूलाई देशका जुनसुकै भूभागमा पनि सेवा तथा चार्जिङ सुविधामा पहुँचको सुनिश्चितता दिन्छ।

Geely चीनको अग्रणी अटो कम्पनीमध्ये एक हो, र यसले निर्माण गरेको Riddara RD6 अहिले चीनमै EV पिकअप सेग्मेन्टको अग्रस्थानमा रहेको छ। यही गुणस्तरीय निर्माण र प्रविधिको भरमा अब Riddara RD6 नेपालमा पनि एक टिकाउ, स्मार्ट र भविष्यमुखी सवारी विकल्पको रुपमा स्थापित हुँदैछ।