बैंकको खुद ब्याज आम्दानी पनि १७.७३ प्रतिशतले बढेर २० करोड २० लाख रुपैयाँ पुगेको छ। यसैगरी, सञ्चालन नाफा ७२.७९ प्रतिशतले बढेर ९ करोड ८७ लाख २३ हजार रुपैयाँ कायम भएको छ। खुद आम्दानी र सञ्चालन नाफामा भएको वृद्धिका कारण बैंकको खुद नाफामा उल्लेखनीय सुधार देखिएको हो। बैंकको वितरणयोग्य नाफामा पनि झन्डै दोब्बर (९४.७० प्रतिशत) वृद्धि भई ६ करोड ७ लाख ८१ हजार रुपैयाँ पुगेको छ। यसका साथै, बैंकको लाभांश क्षमता १०.६७ प्रतिशत रहेको छ।

अन्य महत्त्वपूर्ण वित्तीय सूचकहरूमा, बैंकको प्रतिसेयर आम्दानी १२.१८ रुपैयाँ र प्रतिसेयर नेटवर्थ १२२.११ रुपैयाँ कायम भएको छ। गत आर्थिक वर्षमा बैंकको खराब कर्जा ३.३३ प्रतिशतमा सीमित रहेको छ। हाल बैंकको चुक्ता पुँजी ५६ करोड ९६ लाख रुपैयाँ छ भने जगेडा तथा कोषमा १२ करोड ५९ लाख रुपैयाँ राखिएको छ। बैंकको निक्षेप सङ्कलन २८.२५ प्रतिशतले बढेर ६ अर्ब ३७ करोड ६४ लाख रुपैयाँ पुगेको छ, जबकि कर्जा प्रवाह पनि २० प्रतिशतले बढेर ४ अर्ब ७३ करोड ५० लाख रुपैयाँ कायम भएको छ।