मन्त्री खड्काले कांग्रेस संसदीय दलको कार्यालयमै पुगेर मुख्यमन्त्री बहादुरसिंह लामालाई राजीनामा बुझाएका हुन् । राजीनामा दिएलगत्तै उनले मुख्यमन्त्री लामाविरुद्धको अविश्वास प्रस्तावमा समेत हस्ताक्षर गरेका छन् ।

योसँगै अविश्वास प्रस्तावमा हस्ताक्षर गर्ने कांग्रेस सांसदको संख्या २२ पुगेको छ । यसअघि साउन ९ गते कांग्रेसका चारजना मन्त्रीले पनि पदबाट राजीनामा दिँदै सो प्रस्तावमा समर्थन जनाएका थिए । यस घटनाले बागमती प्रदेश सरकारमा थप राजनीतिक अस्थिरता ल्याउने संकेत देखिएको छ ।