अघिल्लो आर्थिक वर्षको सोही अवधिको तुलनामा यो नाफा दोब्बरभन्दा बढी हो, जहाँ बैंकले रु. १ अर्ब ४ करोड ५१ लाख खुद नाफा कमाएको थियो। बैंकको खुद ब्याज आम्दानी र सञ्चालन नाफामा भएको वृद्धि र इम्पेरमेन्ट चार्जमा आएको कमीले यो उल्लेखनीय सुधार सम्भव भएको हो।

यस आर्थिक वर्षमा बैंकको खुद ब्याज आम्दानी १५.४१ प्रतिशत बढेर रु. ५ अर्ब ७५ करोड ६७ लाख पुगेको छ, जबकि खुद फि तथा कमिसन आम्दानी १८.१६ प्रतिशतको वृद्धि सहित रु. १ अर्ब २८ करोड ५१ लाख पुगेको छ।

बैंकको कुल सञ्चालन आम्दानी पनि १६.५१ प्रतिशत बढेर रु. ७ अर्ब ४४ करोड ६ लाख पुगेको छ भने सञ्चालन मुनाफा ९९.९१ प्रतिशतको विशाल वृद्धि सहित रु. ३ अर्ब ३३ करोड २ लाखमा पुगेको छ।

नाफा वृद्धिको प्रमुख कारणमध्ये एक इम्पेरमेन्ट चार्जमा आएको कमी हो। यो समीक्षा अवधिमा रु. १ अर्ब ३९ करोडबाट घटेर रु. ३५ करोड ३७ लाखमा सीमित भएको छ। यसका साथै, बैंकको प्रतिशेयर आम्दानी पनि रु. ८.३१ बाट बढेर रु. १७.३१ पुगेको छ, जसले शेयरधनीहरूलाई थप लाभ हुने संकेत गर्छ। बैंकको वितरणयोग्य मुनाफा रु. १ अर्ब ७ करोड र वितरणयोग्य प्रतिशेयर आम्दानी रु. ९.२३ रहेको छ।

हाल, बैंकको चुक्ता पूँजी रु. ११ अर्ब ६२ करोड १३ लाख र जगेडा कोषमा रु. ७ अर्ब ४१ करोड रहेको छ। असार मसान्तसम्म बैंकले रु. १८ खर्ब ४१ अर्ब ७६ करोड निक्षेप संकलन गरी रु. १४ खर्ब १६ अर्ब ३६ करोड कर्जा प्रवाह गरेको छ।