• स्वच्छ ऊर्जाको उपयोग: घरायसी स्तरमा स्वच्छ र नवीकरणीय ऊर्जाको उत्पादन तथा उपयोगमा वृद्धि गर्ने।
• स्थानीय स्रोतको प्रवर्द्धन: आयातित इन्धनको सट्टा स्थानीय स्रोतमा आधारित नवीकरणीय ऊर्जालाई प्राथमिकता दिने।
• ऊर्जा दक्षता: व्यापारिक र औद्योगिक क्षेत्रमा ऊर्जा दक्षता अभिवृद्धि गरी हरितगृह ग्यास उत्सर्जन घटाउने।
• जनचेतना: नीतिगत पहल र शैक्षिक अभियानमार्फत ऊर्जा संरक्षण र नवीकरणीय ऊर्जाबारे जनचेतना फैलाउने।

कार्यान्वयन र सहकार्य

पोखरा महानगरपालिकाका मेयर धनराज आचार्यले महानगरपालिकाले सबै सरोकारवाला निकायहरूसँगको सहकार्यमा योजनाको प्रभावकारी कार्यान्वयन गर्ने प्रतिबद्धता व्यक्त गरे। उनले पोखरालाई हरियाली र ऊर्जा–मैत्री सहर बनाउन यो योजना महत्त्वपूर्ण हुने बताए ।

यो योजना ऊर्जा विकास उप–समितिद्वारा तयार गरिएको हो र यसलाई जिआइजेड नेपालको ‘रिप–ग्रीन’ कार्यक्रमको प्राविधिक सहयोग प्राप्त भएको थियो। उक्त कार्यक्रम युरोपेली संघ (ईयू) र जर्मन संघीय आर्थिक सहयोग तथा विकास मन्त्रालय (बीएमजेड) को संयुक्त वित्तीय सहयोगमा सञ्चालित छ।

यस योजनाको सार्वजनिक कार्यक्रममा वैकल्पिक ऊर्जा प्रवर्द्धन केन्द्र, जिआइजेड नेपालका वरिष्ठ ऊर्जा विशेषज्ञ र महानगरका अन्य पदाधिकारीहरूको उपस्थिति रहेको थियो।