छानिएका खेलाडीहरूलाई तीन श्रेणीमा विभाजन गरिएको छ। ‘ए’ श्रेणीमा आठ खेलाडी छन्, जसमा अर्जुन साउद, दिलिप नाथ, देव खनाल, पवन सर्राफ, शरद भेष्वाकर, मोहम्मद आदिल अन्सारी, सूर्य तामाङ र सुमन गौतम रहेका छन्।

त्यस्तै, ‘बी’ श्रेणीमा ३५ खेलाडी परेका छन्, जसमध्ये अनिल खरेल, अर्जुन कुमाल, दीपक बोहरा, कृष्ण कार्की र प्रज्वल थापालगायतका खेलाडी छन्। बाँकी १०७ खेलाडी ‘सी’ श्रेणीमा राखिएका छन्।

क्यानका अनुसार, यो फ्रेन्चाइजमा आधारित टी-२० क्रिकेट प्रतियोगिताका लागि खेलाडीको अक्सन यही साउन २४ गते हुनेछ।