तरुण खबर
२५ श्रावण २०८२, आईतवार ११:३१
काठमाडाैं, २५ साउन । राजधानीमा जारी ‘नाइमा नेपाल मोबिलिटी एक्स्पो २०२५’ मोटरसाइकल प्रेमीका लागि आकर्षक गन्तव्य बनेको छ। साउन २१ गतेदेखि सुरु भएको यस एक्स्पोमा विभिन्न १५ ब्रान्डका दुई पाङ्ग्रे सवारी साधनहरू सार्वजनिक भएका छन्। यसपालीको एक्स्पोमा विशेषतः विद्युतीय सवारी साधनको बर्चस्व देखिएको छ।
बढ्दो इन्धनको मूल्य र वातावरणमैत्री विकल्पको खोजीमा रहेका उपभोक्तालाई लक्षित गर्दै कम्पनीहरूले आधुनिक प्रविधि, स्मार्ट फिचर, र आकर्षक डिजाइन भएका नयाँ मोडलहरू प्रस्तुत गरेका छन्। यी मोडलहरूमा स्मार्ट कनेक्टिभिटी, फास्ट चार्जिङ, जीपीएस, एआई र डुअल ब्याट्रीजस्ता सुविधा उपलब्ध छन्।
एक्स्पोमा सार्वजनिक भएका मुख्य सवारी साधन र तिनीहरूको मूल्य
केटीएम
केटीएमले एकैपटक ६ नयाँ मोडल सार्वजनिक गरेको छ, जुन नेपाली बजारका लागि नौलो हो।
टीभीएस
टीभीएसले नयाँ आरटीआर ३१० प्रदर्शनमा राखेको छ भने लोकप्रिय एनटर्क १२५ स्कुटर दुई नयाँ रंगमा उपलब्ध गराएको छ।
बेनेली मोर्बीडेली
केटीएम इन्टरनेशनलले बेनेली ब्रान्डअन्तर्गत दुई एड्भेन्चर बाइक सार्वजनिक गरेको छ।
याडिया इलेक्ट्रिक
याडियाले आफ्नो पहिलो इलेक्ट्रिक मोटरसाइकल र एउटा स्कुटर सार्वजनिक गरेर विद्युतीय बजारमा आफ्नो उपस्थिति बलियो बनाएको छ।
बीजी इलेक्ट्रिक
अग्नि ग्रुपले चार नयाँ विद्युतीय स्कुटर सार्वजनिक गरेको छ, जसले नेपाली बजारमा नयाँ विकल्प थपेको छ।
सेगवे
सेगवेले दुई इलेक्ट्रिक बाइक र दुई स्कुटर सार्वजनिक गरेको छ।
ट्रायम्फ
ट्रायम्फले आफ्ना दुई लोकप्रिय मोडलहरूलाई नयाँ रंगमा प्रस्तुत गरेको छ।
सीएफ मोटो
सीएफ मोटोले एक्स्पोकै सबैभन्दा महँगो मोटरसाइकल सार्वजनिक गरेको छ।
एथर र बजाज चेतक
यी दुई चर्चित ब्रान्डले एक-एक विद्युतीय स्कुटर सार्वजनिक गरेर विद्युतीय स्कुटरको बजारमा प्रतिस्पर्धा बढाएका छन्।
बजाज चेतक: रु. ३ लाख २४ हजार ९००
अनामनगर, काठमाण्डौ , नेपाल ।
9823523456
tarunkhabar5@gmail.com
