नामी ०१ मा यसको वर्गका अन्य गाडीहरूमा दुर्लभ मानिने केही खास फिचरहरू रहेका छन्। यसमा फ्रेमलेस डोर, फ्लस ह्यान्डल्स र सेल्फ पार्किङ जस्ता प्रिमियम विशेषताहरू छन्, जसले यसलाई आकर्षक र आधुनिक बनाएको छ।

डिजाइन र विशेषता

डिजाइनको कुरा गर्दा, नामी ०१ एक गोलाकार र भविष्यवादी लुकमा उपलब्ध छ। यसमा क्लोज्ड ग्रिल, त्रिकोणाकार हेडलाइट र सस्पेन्डेड रूफ डिजाइन जस्ता विशेषताहरू छन्। गाडीको लम्बाई ४०३० मिमि, चौडाइ १८१० मिमि र उचाइ १५७० मिमि रहेको छ। यसको ग्राउण्ड क्लियरेन्स १७५ मिमि छ, जुन नेपाली सडकका लागि उपयुक्त मानिन्छ। नेपालमा यो गाडी डुअल टोन रंगमा उपलब्ध छ।

आन्तरिक भाग र प्रविधि

आन्तरिक भागमा दुई रङका विकल्प (कालो र सेतो, तथा कालो र खैरो) छन्। यसमा १२.८ इन्चको फ्लोटिङ टचस्क्रिन इन्फोटेन्मेन्ट सिस्टम, ५ इन्चको एलसिडी इन्स्ट्रुमेन्ट प्यानल, र स्पोर्टी दुई–स्पोक मल्टीफंक्शनल स्टेरिङ ह्वील जडान गरिएको छ। थप सुविधाहरूमा ३२–कलर एम्बिएन्ट लाइटिंग, वायरलेस मोबाइल चार्जिङ र अगाडिका सिटमा वान–क्लिक लाय–फ्ल्याट मोड पनि छन्।

सुरक्षा र पावरट्रेन

सुरक्षाको दृष्टिले, नामी ०१ मा एडीएस २.० लेवल–२ प्रविधि समावेश गरिएको छ। यसमा ब्लाइन्ड–स्पट मोनिटरिङ, अटोनोमस पार्किङ, लेन–किपिङ असिस्ट र एडाप्टिभ क्रूज कन्ट्रोल जस्ता उन्नत सुरक्षा प्रणालीहरू छन्।

नेपालमा आएको भर्सनमा ४२.३ किलोवाट–घण्टाको लिथियम–आयरन–फस्फेट ब्याट्री प्याक जडान गरिएको छ, जसले ४३० किलोमिटरको दाबी गरिएको रेन्ज (सीएलटीसी मापदण्ड अनुसार) दिन्छ। यसको मोटरले ७० किलोवाट क्षमता उत्पादन गर्छ र अधिकतम १४० किमि/घण्टाको गति दिन सक्छ। चार्जिङको लागि, यसले डीसी फास्ट चार्जिङ सपोर्ट गर्छ, जसबाट ८ मिनेटमा २०० किलोमिटर रेन्ज चार्ज गर्न सकिन्छ।