कम्पनीले यसै अवसरमा एक्स्पोमा १५ हजार रुपैयाँको नगद छुट पनि दिने घोषणा गरेको छ, जसले ग्राहकहरूलाई थप आकर्षित गर्ने विश्वास लिइएको छ।

शक्तिशाली इन्जिन र आधुनिक फिचर

टीभीएस रोनिनमा २२५.९ सीसी क्षमताको इन्जिन जडान गरिएको छ, जसले ७७५० आरपीएममा २०.४ पीएस पावर र ३७५० आरपीएममा १९.९३ एनएम टर्क उत्पादन गर्छ। यसमा ५ स्पीड गियर ट्रान्समिसन र स्लीपर क्लचको सुविधा पनि छ, जसले राइडिङ अनुभवलाई सहज बनाउँछ।

डिजाइनको कुरा गर्दा, यसमा गोलो आकारको एलईडी हेडलाइट, ‘टी’ आकारको एलईडी डीआरएल (डे टाइम रनिङ लाइट) र क्लासिक डिजिटल स्मार्ट क्लस्टर जस्ता फिचरहरू छन्। साथै, भ्वाइस कमाण्ड फिचरले यसलाई अझ स्मार्ट र प्रिमियम बनाएको छ। यो नयाँ रंग र आकर्षक सुविधाहरूले रोनिनलाई नेपाली मोटरसाइकल बजारमा थप प्रतिस्पर्धात्मक बनाउने अपेक्षा गरिएको छ।