गत वर्ष बैंकको खुद ब्याज आम्दानी २.८१ प्रतिशतले बढेर ६ अर्ब ३५ करोड ५९ लाख रुपैयाँ पुगेको छ भने सञ्चालन नाफा २.९७ प्रतिशतले बढेर ३ अर्ब ५७ करोड ४१ लाख रुपैयाँ कायम भएको छ। खुद नाफामा सामान्य वृद्धि भए पनि बैंकको वितरणयोग्य नाफा भने ९२.१३ प्रतिशतले बढेर २ अर्ब ७८ करोड ७ लाख रुपैयाँ पुगेको छ। यसले गर्दा बैंकले यस वर्ष आफ्ना सेयरधनीलाई २०.४७ प्रतिशत लाभांश दिन सक्ने क्षमता बनाएको छ।

बैंकको प्रतिसेयर आम्दानी (ईपीएस) १८.९३ रुपैयाँ र प्रतिसेयर नेटवर्थ १६८.८३ रुपैयाँ रहेको छ। यद्यपि, बैंकको खराब कर्जा भने बढेर १.२१ प्रतिशत पुगेको छ। हाल बैंकको चुक्ता पुँजी १३ अर्ब ५८ करोड १५ लाख रुपैयाँ र जगेडा कोषमा ७ अर्ब ५६ करोड ७१ लाख रुपैयाँ रहेको छ।