अघिल्लो आर्थिक वर्षमा कम्पनीको खुद नाफा २६ करोड ८९ लाख रुपैयाँ मात्र थियो। नाफा वृद्धिको मुख्य कारण विद्युत बिक्रीबाट हुने आम्दानीमा भएको वृद्धि, बीमा दाबी भुक्तानीबाट प्राप्त रकम र ब्याज खर्चमा आएको कमी हो।

मुख्य वित्तीय सूचकहरूमा सुधार

• विद्युत बिक्री आम्दानी: यो वर्ष कम्पनीले विद्युत बिक्रीबाट १ अर्ब ३० करोड ७२ लाख रुपैयाँ आम्दानी गरेको छ, जुन अघिल्लो वर्षको तुलनामा ३३.९२ प्रतिशत बढी हो।
• सञ्चालन नाफा: कम्पनीको सञ्चालन नाफा ५४ करोड ३० लाख रुपैयाँबाट बढेर ८९ करोड २१ लाख रुपैयाँ पुगेको छ।
• प्रति सेयर आम्दानी (EPS): प्रति सेयर आम्दानी ११.८८ रुपैयाँबाट बढेर २४.१७ रुपैयाँ पुगेको छ।
• प्रति सेयर नेटवर्थ: प्रति सेयर नेटवर्थ १४८.२० रुपैयाँबाट बढेर १५२.११ रुपैयाँ कायम भएको छ।

यसका साथै, कम्पनीले बीमा दाबी भुक्तानीबाट ८ करोड ६ लाख रुपैयाँ प्राप्त गरेको छ र ब्याज खर्च २६ करोड ८८ लाख रुपैयाँबाट घटेर २४ करोड ४३ लाख रुपैयाँ भएको छ।

हाल कम्पनीको चुक्ता पुँजी २ अर्ब ६० करोड २७ लाख रुपैयाँ रहेको छ भने रिटेन अर्निङ १ अर्ब ३५ करोड रुपैयाँ रहेको छ। माउन्टेन इनर्जीले आफ्नो ४२ मेगावाटको मिस्ट्रीखोला र ५ मेगावाटको ताँदीखोला जलविद्युत परियोजनाबाट नियमित उत्पादन गरिरहेको छ र कम्पनीले आर्थिक वर्ष २०७८/७९ देखि लगातार आफ्ना सेयरधनीहरूलाई लाभांश दिँदै आएको छ।