कम्पनीको व्यापार विस्तार र आम्दानीमा भएको उल्लेख्य वृद्धिले नाफा बढाउनमा महत्त्वपूर्ण भूमिका खेलेको छ। गत आवमा कम्पनीको व्यापार ७३.३० प्रतिशत बढेर रु. ७ अर्ब २० करोड ११ लाख पुगेको छ, जुन अघिल्लो वर्ष रु. ४ अर्ब १५ करोड ५२ लाख थियो।

यसैगरी, कम्पनीको सञ्चालन नाफा पनि १६६.७८ प्रतिशत वृद्धि भई रु. १ अर्ब २८ करोड ८१ लाख पुगेको छ। कम्पनीको गैर सञ्चालन आम्दानी रु. ६ करोड ६९ लाख रहेको छ।

हाल कम्पनीको चुक्ता पुँजी रु. ३ अर्ब ७ करोड ३४ लाख छ। कम्पनीको प्रतिसेयर आम्दानी (EPS) रु. १७.३६ ले बढेर रु. ३१.०२ कायम भएको छ, जबकि प्रतिसेयर नेटवर्थ रु. १३५.८४ रहेको छ।