एससीओ शिखर सम्मेलन भदौ १५ र १६ गते (अगस्ट ३१ र सेप्टेम्बर १) चीनको राजधानी बेइजिङमा हुँदैछ। उक्त सम्मेलनमा भारतीय प्रधानमन्त्री नरेन्द्र मोदी लगायत विभिन्न देशका राष्ट्र तथा सरकार प्रमुखहरू सहभागी हुनेछन्।

सम्मेलनका क्रममा प्रधानमन्त्री ओलीले चिनियाँ राष्ट्रपति र भारतीय समकक्षी मोदीसँग साइडलाइन भेटवार्ता गर्ने कार्यक्रम रहेको प्रधानमन्त्री निकट स्रोतले जनाएको छ।

सन् २००१ मा क्षेत्रीय स्थिरता र सहयोग प्रवर्द्धन गर्ने उद्देश्यले स्थापना गरिएको एससीओमा हाल चीन, भारत, पाकिस्तान, रूस, इरान, बेलारुस, काजकस्तान, किर्गिस्तान, ताजिकिस्तान र उज्बेकिस्तान गरी १० सदस्य राष्ट्रहरू रहेका छन्।