बैंकले ग्राहकहरूलाई उपलब्ध गराउँदै आएको उत्कृष्ट बैंकिङ सेवा, प्रविधिको सफल प्रयोग, र विशेष गरी दिगोपनाको क्षेत्रमा गरेको पहलका आधारमा यो अवार्ड प्राप्त गरेको हो। नबिल बैंकले विगत पाँच वर्षदेखि नै नेपालको दिगो विकास लक्ष्य (एसडीजी) लाई आफ्नो रणनीतिमा समावेश गर्दै वातावरणीय, सामाजिक र सुशासनसम्बन्धी सिद्धान्तहरूलाई आफ्नो कारोबारमा लागू गर्दै आएको छ।

नबिल बैंकले कार्बन फुटप्रिन्ट घटाउने, जिम्मेवार बैंकिङलाई प्रवर्द्धन गर्ने र वित्तीय साक्षरता विस्तार गर्ने कार्यमा आफूलाई केन्द्रित गर्दै आएको छ। बैंकको यिनै कार्यसम्पादन र दिगो बैंकिङका लागि गरेको प्रतिबद्धताको कदर गर्दै युरो मनी म्यागजिनले लामो अध्ययन र विश्लेषणपछि यो सम्मान प्रदान गरेको हो।

यसअघि पनि नबिल बैंकले सन् २०१०, २०२०, २०२१, २०२२ र २०२४ मा विभिन्न विधामा युरो मनी अवार्ड फर एक्सिलेन्स प्राप्त गरिसकेको छ। हाल, नबिल बैंकले देशभरिका २६८ शाखा र ३२१ एटीएममार्फत २५ लाखभन्दा बढी ग्राहकहरूलाई सेवा प्रदान गर्दै आएको छ। विगत चार दशकदेखि नबिल बैंक नेपाली बैंकिङ क्षेत्रमा नवीनतम सेवाहरू ल्याउन र बैंकिङ विकासमा महत्त्वपूर्ण भूमिका खेल्दै आएको छ।