यो रकम बैंकहरूबाट मध्यान्ह ३ बजेसम्ममा बोलकबोलमार्फत संकलन गरिनेछ। यसको साँवा तथा ब्याज आगामी असोज १२ गते भुक्तानी गरिनेछ।

बोलकबोलमा सहभागी हुन चाहने बैंक तथा वित्तीय संस्थाहरूले कम्तीमा १० करोड रुपैयाँ र त्यसपछि ५ करोड रुपैयाँले भाग जाने गरी रकम तोक्न सक्नेछन्। निक्षेप संकलनको ब्याजदर पनि बोलकबोलको माध्यमबाट नै निर्धारण गरिनेछ।

यो बोलकबोलमा ‘क’, ‘ख’, र ‘ग’ वर्गका बैंक तथा वित्तीय संस्थाहरू मात्र सहभागी हुन पाउने राष्ट्र बैंकले जनाएको छ। केन्द्रीय बैंकले पछिल्लो समयमा बजारमा तरलता व्यवस्थापन गर्न यस्ता उपकरणको प्रयोगलाई निरन्तरता दिँदै आएको छ।