बिहीबार बिहान करिब ३०० भन्दा बढी कैदीबन्दीहरूले कारागारभित्रका सबै तालाहरू फोडेर भाग्ने प्रयास गरेका थिए। उनीहरू मुख्य गेटको ताला तोडेर बाहिर निस्कने प्रयास गरेपछि अवस्था नियन्त्रणबाहिर जान नदिन नेपाली सेनाले गोली चलाएको थियो।

घटनापछि सबै कैदीबन्दीलाई नियन्त्रणमा लिइएको छ र अहिले अवस्था सामान्य रहेको बताइएको छ। घाइतेहरूको स्थानीय अस्पतालमा उपचार भइरहेको छ।

रामेछाप नगरपालिका-८ डाँडामा रहेको यस कारागारमा क्षमताभन्दा बढी कैदीबन्दी रहेका छन्। घटनाको थप अनुसन्धान भइरहेको जिल्ला प्रशासन कार्यालयले जनाएको छ।