विभागका अनुसार, विरोध प्रदर्शनका क्रममा भएको तोडफोड, आगजनी र लुटपाटका कारण इलेक्ट्रोनिक उपकरण, छपाइ मेसिन र सर्भरमा ठूलो क्षति पुगेको छ। यसले गर्दा लाइसेन्स वितरण मात्र नभई विद्युतीय सवारी साधन दर्ता लगायतका सूचना प्रविधिसम्बन्धी सम्पूर्ण सेवा अवरुद्ध भएको छ।

सेवा कहिलेबाट सुचारु हुन्छ भन्नेबारे विभागले कुनै समयसीमा तोकेको छैन। यसले गर्दा नयाँ लाइसेन्स लिन र नवीकरण गर्न चाहने सेवाग्राहीहरू मारमा परेका छन्।