जेनजी प्रदर्शनका क्रममा भएको तोडफोड र हिंसाका कारण भदौ २४ गतेदेखि बन्द रहेको सेयर बजार अब सञ्चालनमा आउने भएको छ। नेप्सेले जारी गरेको सूचना खारेज गर्दै धितोपत्र बोर्डले बजार खोल्न निर्देशन दिएपछि यो निर्णय भएको हो।

बोर्डका एक अधिकारीका अनुसार, विभिन्न सरोकारवाला पक्षसँगको छलफलपछि नै बजार खोल्ने निर्णय गरिएको हो। यसबारे औपचारिक जानकारी नेप्सेले बोर्डबाट पत्र पाएपछि मात्र सार्वजनिक गर्ने जनाइएको छ।