भिसा रोक्नुको कारण नेपालमा हालै भएको जेनजी आन्दोलनका क्रममा भएको तोडफोड, आगजनी र लुटपाटसँग सम्बन्धित अनुसन्धान हुन सक्ने बुझिएको छ। यसका साथै हालै झुम्का कारागारबाट कैदीबन्दी भागेको घटनालाई पनि यूएईले कडा कदम चाल्नुको अर्को कारण मानिएको छ।

स्मरण रहोस्, नेपालीहरू भिजिट भिसामा सबैभन्दा धेरै जाने गन्तव्य यूएई हो। लामो समयदेखि दलालहरूले भिजिट भिसाको दुरुपयोग गरी नेपाली महिलाहरूलाई कुवेत, ओमान र बहराइन जस्ता देशहरूमा घरेलु कामदारको रूपमा पठाउने गरेकोले पनि यूएई अधिकारीहरू यस विषयमा सतर्क बनेका छन्।