तरुण खबर
१ आश्विन २०८२, बुधबार १२:१०
काठमाडाैं, १ असाेज । वाणिज्य बैंकहरूले चालु आर्थिक वर्षको पहिलो महिना (साउन) मा झन्डै साढे ८ अर्ब रुपैयाँ खुद नाफा कमाएका छन्। नेपाल राष्ट्र बैंकले उपलब्ध गराएको तथ्याङ्कअनुसार, साउनमा २० वटा बैंकले कुल ८ अर्ब ३८ करोड २९ लाख ६० हजार रुपैयाँ नाफा कमाएका हुन्। यद्यपि, यो नाफा गत वर्षको सोही अवधिको तुलनामा भने ०.०८ प्रतिशतले कम हो।
शीर्ष नाफा कमाउने बैंकहरू
साउन महिनामा सबैभन्दा बढी नाफा कमाउने बैंकको सूचीमा ग्लोबल आइएमई बैंक रहेको छ। यसले ७८ करोड ४५ लाख रुपैयाँ खुद नाफा आर्जन गरेको छ। गत वर्षको साउनमा पनि यस बैंकले ८९ करोड २४ लाख रुपैयाँ नाफा कमाएको थियो।
दोस्रो स्थानमा नबिल बैंक छ, जसले ७१ करोड ६४ लाख रुपैयाँ नाफा कमाएको छ। गत वर्ष यस बैंकको नाफा ८० करोड ३३ लाख रुपैयाँ थियो। तेस्रोमा नेपाल इन्भेष्टमेन्ट मेगा बैंक रहेको छ, जसले ६३ करोड ४२ लाख ३० हजार रुपैयाँ नाफा कमाएको छ।
अन्य बैंकहरूको नाफा
अन्य बैंकहरूको नाफा विवरण पनि उत्साहजनक रहेको छ। राष्ट्रिय वाणिज्य बैंकले ५५ करोड ८३ लाख, नेपाल बैंकले ५५ करोड २७ लाख र प्राइम बैंकले ५० करोड ४९ लाख रुपैयाँ नाफा कमाएका छन्।
त्यस्तै, कुमारी बैंकले ४९ करोड २४ लाख, एभरेष्ट बैंकले ४८ करोड ३९ लाख, एनएमबि बैंकले ४६ करोड ६७ लाख, हिमालयन बैंकले ४० करोड ८९ लाख र सिद्धार्थ बैंकले ४० करोड १३ लाख रुपैयाँ नाफा कमाएका छन्।
यसका साथै, लक्ष्मी सनराइज बैंक, सानिमा बैंक, एनआइसी एसिया बैंक, प्रभु बैंक, सिटिजन बैंक, स्ट्याण्डर्ड चार्टर्ड बैंक, माछापुच्छ्रे बैंक, नेपाल एसबीआई बैंक र कृषि विकास बैंकले पनि करोडौँको नाफा आर्जन गरेका छन्।
अनामनगर, काठमाण्डौ , नेपाल ।
9823523456
tarunkhabar5@gmail.com
