आफ्नो सामाजिक सञ्जालमा लेख्दै राजवंशीले भनेका छन्, “मामुको धेरै याद आउँछ, मेरो आधा संसार गयो।” उनले आमाको निधनका कारण अस्ट्रेलिया भ्रमण छाडेर स्वदेश फर्किएको पनि खुलाएका छन्।

उनका अनुसार अब भने आफ्नो बाल्यकालको सपना— देशका लागि क्रिकेट खेल्ने— पूरा गर्नमा ध्यान दिनेछन्। “अब खेल महत्त्वपूर्ण छ,” उनले लेखेका छन्, “आमा जस्तै नेपाल आमा हो, एक दायित्व छ, यसैलाई पूरा गर्न यता लागेको छु।”

राजवंशीले आमाको निधनको दुःखलाई आफ्नो खेलमा प्रभाव पर्न नदिने बताएका छन्। यसअघि उनी आमाको स्वास्थ्य अवस्थाका कारण अस्ट्रेलिया भ्रमणको बीचबाटै नेपाल फर्किएका थिए।