संविधान दिवस संघीय लोकतान्त्रिक गणतन्त्रको मूल्याङ्कन गर्ने अवसर पनि भएको उनको भनाइ थियो। प्रधानमन्त्री कार्कीले विगतका उपलब्धि र कमजोरीहरूको समीक्षा गर्दै आगामी दिनमा सुधारसहित अघि बढ्ने प्रतिबद्धता व्यक्त गरिन्।

उनले २०७२ असोज ३ मा संविधान सभाबाट जारी भएको नेपालको संविधान नेपाली जनताको त्याग, सङ्घर्ष र आन्दोलनको प्रतिफल भएको उल्लेख गरिन्। यसको संरक्षण र सफल कार्यान्वयन गर्नु सम्पूर्ण नेपालीको साझा दायित्व रहेको पनि उनले बताइन्।

प्रधानमन्त्रीको रूपमा आफ्नो पहिलो सम्बोधनमा उनले जेनजी आन्दोलन र अन्य सामाजिक घटनाक्रमका सन्दर्भमा जनताको आवाजलाई सम्बोधन गर्न सरकार तयार रहेको सङ्केत गरेकी छन्।