यो योजना अन्तर्गत, दसैं अवधिभर इनड्राइभका ड्राइभरले कुनै पनि सेवाशुल्क तिर्नुपर्ने छैन। यसले गर्दा उनीहरूले हरेक राइडबाट शतप्रतिशत आम्दानी आफैँ राख्न पाउनेछन्।

इनड्राइभको पियर-टू-पियर (पीटुपी) मोडेलले यात्रु र चालक दुवैलाई राइडको मूल्य आफैँ तय गर्न दिन्छ। यस प्रणालीमा, यात्रु र चालकले यात्रा सुरु हुनुअघि नै भाडामा आपसी सहमति गर्ने हुँदा दुवै पक्षलाई उचित मूल्य कायम हुन्छ।

इनड्राइभ नेपालकी कन्ट्री रिप्रिजेन्टेटिभ रीता पोखरेलले दसैंमा ड्राइभर पार्टनरहरूको आम्दानी बढाउन र यात्रुलाई सुरक्षित तथा निष्पक्ष यात्राको अनुभव प्रदान गर्न यो योजना ल्याइएको बताइन्। उनले इनड्राइभले आफूलाई ठूलो समुदायको हिस्सा मान्ने र त्यसैअनुरूप यस्ता योजनाहरू ल्याइरहेको जानकारी दिइन्।