नयाँ जर्सीको डिजाइनमा गाढा निलो र रातो रङलाई प्रमुखता दिइएको छ। अघिल्लो जर्सीको डिजाइनमा रहेको पहेंलो अक्षरको सट्टा यसपालि सेतो अक्षरमा ‘Nepal’ लेखिएको छ।

जर्सीको बायाँ काँधमा नेपालको राष्ट्रिय झन्डामा रहेको चन्द्रमा र दायाँ काँधमा सूर्यको प्रतीक राखिएको छ। साथै, जर्सीको तल्लो भागमा सगरमाथाको प्रतीकात्मक चित्र पनि अंकित गरिएको छ।

यस जर्सीको आधिकारिक प्रायोजक नासा सेक्युरिटिज रहेको छ, जसको लोगो जर्सीको बीच भागमा राखिएको छ। जर्सी सार्वजनिक गर्दै क्यानले “Wear your passion, wear your pride” (आफ्नो जोश र गर्व लगाउनुहोस्) भन्ने सन्देश दिएको छ।

क्यानका अनुसार यो नयाँ जर्सीलाई एकता, शक्ति र सपनाको प्रतीकका रूपमा डिजाइन गरिएको हो।