यो सेवा प्रयोग गर्न चाहने ग्राहकले बैंकको कुनै पनि शाखामा गएर फारम भर्नुपर्नेछ। त्यसपछि, मोबाइल एपमै भर्चुअल क्रेडिट कार्ड उपलब्ध हुनेछ।

यस सेवाका मुख्य विशेषताहरू:

• क्रेडिट सीमा: न्यूनतम रु. १०,००० देखि अधिकतम रु. १,००,००० सम्म।
• ब्याजमुक्त अवधि: ग्राहकहरूले ४५ दिनसम्म बिना कुनै ब्याज क्रेडिट रकम प्रयोग गर्न सक्नेछन्।
• भुक्तानी विकल्प: ग्राहकले आफ्नो सुविधाअनुसार हिसाब राफसाफ गर्दा १० प्रतिशत वा शतप्रतिशत भुक्तानी गर्ने विकल्प रोज्न सक्नेछन्।
• प्रयोग: यो कार्डमार्फत फोनपेको कुनै पनि क्यूआर कोडमा सजिलै भुक्तानी गर्न सकिन्छ।

बैंकका अनुसार, भौतिक कार्डको आवश्यकता नपर्ने भएकाले यो सेवा सुरक्षित र सुविधाजनक छ। हाल गरिमा विकास बैंकका देशभर १२५ शाखा, १ एक्स्टेन्सन काउन्टर र ५१ एटिएम सञ्चालनमा छन्।