उनले युवामा निहित देशभक्ति, ऊर्जा र नवीन सोच नै राष्ट्रलाई बलियो, समृद्ध र आत्मनिर्भर बनाउने एक मात्र बाटो भएको उल्लेख गरे।

पूर्व राजा शाहले देशको वर्तमान परिस्थितिलाई टिप्पणी गर्दै भने, “हाम्रो धेरैजसो शासन विनाश गर्ने, भत्काउने र जलाउनेमै लागेको छ। अब हामीले विनाश होइन, निर्माणमा ध्यान दिनुपर्छ।”

“जे भयो, भयो। जे हुनु नपर्ने थियो, त्यो पनि भयो। अब नयाँ पुस्ता, आउँदो नयाँ युगले आशा, विश्वास र भरोसाका साथ अगाडि बढ्नुपर्छ,” उनले सन्देशमा भनेका छन्।

उनले सत्य, वरिष्ठ, अनुशासन, मर्यादाको सम्मान गर्ने र राष्ट्रलाई प्रेम गर्ने खालको राष्ट्रिय सोच आवश्यक रहेकोमा पनि जोड दिएका छन्।