काठमाडाैं, २३ असाेज । एनआईसी एशिया बैंकले आफ्ना ग्राहकहरूलाई आँखा उपचारमा विशेष सहुलियत प्रदान गर्नका लागि किरण आँखा अस्पतालसँग सम्झौता गरेको छ। यस समझदारीसँगै बैंकका ग्राहकहरूले वीरगञ्जमा रहेको उक्त अस्पतालमा उपचार गराउँदा डिजिटल भुक्तानीको माध्यमबाट १० प्रतिशतसम्म छुट प्राप्त गर्न सक्नेछन्।

छुट प्राप्त हुने सेवाहरू

बैंकका ग्राहकहरूले किरण आँखा अस्पतालको निम्न सेवाहरू लिँदा यो छुट सुविधा उपयोग गर्न सक्नेछन्:

• ओपिडी (OPD)
• डाइगनष्टिक (Diagnostic)
• सर्जरी
• ब्राण्डेड अप्टिकल (Branded Optical)
• नन-ब्राण्डेड अप्टिकल (Non-Branded Optical)

कसरी उपयोग गर्ने?

यो सुविधा उपयोग गर्नका लागि ग्राहकहरूले एनआईसी एशिया बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी भुक्तानी गर्नुपर्नेछ। साथै, बैंकको मोबैंक एप (MoBank App) मार्फत भुक्तानी गर्दा पनि यो छुट प्राप्त हुनेछ।

बैंकले यो सहकार्यले आफ्ना ग्राहकहरूलाई आँखा उपचारमा सहयोग पुग्नुका साथै, मुलुकमा डिजिटल भुक्तानी सेवाको प्रवर्द्धन गरी नगदरहित (Cashless) कारोबार मा योगदान पुग्ने विश्वास लिएको छ।