के हो आरोप ?

उजुरीमा उल्लेख भएअनुसार, पूर्व डीआईजी सुवेदीले सामाजिक सञ्जालमा पोष्ट गर्दै Gen Z आन्दोलनका क्रममा सेप्टेम्बर ९ मा प्रचण्डको निवास नजिकै आगजनी हुनुभन्दा दुई दिनअघि २० करोड रुपैयाँ बोकेका दुई वटा ट्रक लुकाइएको दाबी गरेका थिए । प्रचण्डको सचिवालयले यो जानकारी गलत रहेको र यसले साइबर अपराध अन्तर्गतको कसूर हुने बताएको छ ।

सचिवालयले साइबर ब्युरोलाई यस विषयमा गहन अनुसन्धान गर्न माग गरेको छ । साथै, यदि आरोपहरू सत्य नभई झुटो पाइएमा पूर्व डीआईजी सुवेदीमाथि कानुनबमोजिम आवश्यक कारबाही गर्न पनि अनुरोध गरिएको छ ।

साइबर ब्युरोले उजुरी दर्ता गरी अनुसन्धान प्रक्रिया अघि बढाएको बताइएको छ ।