काठमाडाैं, २८ असाेज । हुम्लाको उत्तरी भेग नाम्खा गाउँपालिका–६ मा पर्ने न्यालु लेक को सडकमा बाक्लो हिमपातका कारण यातायात अवरुद्ध हुँदा २२ जना आन्तरिक पर्यटक अलपत्र परेका छन्। कैलाश पर्वत र मानसरोवरको टाढाबाट दर्शन गर्ने उद्देश्यले लाप्चा घुम्न गएका पर्यटकहरू गत असोज २२ र २३ गते (अक्टोबर ९ र १०) परेको हिमपातपछि बाटो बन्द हुँदा चार दिनदेखि फसेका हुन्।

५,००० मिटरको उचाइमा बाटो बन्द

करिब ५,००० मिटर को उचाइमा रहेको न्यालु लेक को सडकमा तीनदेखि चार फिटसम्म बाक्लो हिउँ जमेको कारण यातायात पूर्ण रूपमा रोकिएको छ। बोलरो जिपमा यात्रा गरिरहेका यी पर्यटकहरूमध्ये १४ जना अहिले पनि ताक्ची मा रोकिएका छन्।