काठमाडाैं, २९ असाेज । वित्तीय प्रणालीमा अधिक तरलताको चाप यथावत रहेपछि नेपाल राष्ट्र बैंकले आज (बुधबार) फेरि थप ३५ अर्ब रुपैयाँ बजारबाट तान्ने भएको छ ।

केन्द्रीय बैंकले अधिक तरलता व्यवस्थापनका लागि निक्षेप संकलन उपकरण (Deposit Collection) को माध्यमबाट ४ दिनका लागि उक्त निक्षेप संकलन गर्न लागेको हो ।

प्रक्रिया र शर्तहरू:

• बोलकबोल समय: अनलाइन बिडिङ सिस्टममार्फत आज दिउँसो ३ बजे निक्षेप संकलनका लागि बोलकबोल हुनेछ र आजै खरिद गरिने केन्द्रीय बैंकले जनाएको छ ।
• परिपक्वता मिति: संकलित निक्षेपको परिपक्वता वा सावाँ ब्याज भुक्तानी आगामी कार्तिक २ गते हुनेछ ।
• आवेदन सीमा: इच्छुक आवेदकले घटीमा १० करोड रुपैयाँ र बढीमा ५ करोड रुपैयाँले भाग जाँदा निःशेष भाग जाने गरी कुल आह्वान रकमसम्मका लागि आवेदन दिन सक्नेछन् ।
• सहभागी: निक्षेप संकलन उपकरणको बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउनेछन् ।
• ब्याजदर: बोलकबोल ब्याजदरमा गर्नुपर्नेछ र बहुब्याजदरमा पनि बहुबोलकबोल गर्न सकिने सुविधा राष्ट्र बैंकले दिएको छ ।

राष्ट्र बैंकले केही समयदेखि बजारमा रहेको अत्यधिक तरलतालाई व्यवस्थापन गर्न विभिन्न मौद्रिक उपकरणहरू प्रयोग गर्दै आइरहेको छ ।