बैंकले बिहीबार सूचना जारी गर्दै इच्छुक होटल, अतिथि गृह वा गेष्टहाउसहरूलाई १५ दिनभित्र प्रस्ताव पेस गर्न भनेको छ।

प्राथमिकता क्षेत्र र मापदण्ड

राष्ट्र बैंकले कर्मचारी आवासका लागि काठमाडौंका निम्न क्षेत्रहरूलाई प्राथमिकता दिने जनाएको छ:

• बालुवाटार
• थापाथली
• महाराजगञ्ज
• धुम्बाराही
• चाबहिल
• गौशाला
• एयरपोर्ट
• सिनामंगल

यी क्षेत्रहरू चक्रपथभित्र ५०० मिटरको दायराभित्र पर्नुपर्ने र गुणस्तरीय सेवा प्रदान गर्ने स्थानहरूलाई प्राथमिकता दिइनेछ।

बैंकले सेवा प्रदायक होटल/गेस्टहाउसका लागि १९ बुँदे मापदण्ड तोकेको छ। यसमा सफा कोठा, खानपान, सुरक्षा व्यवस्था, इन्टरनेट सुविधा, तथा कर्मचारीको गोपनीयता सुनिश्चित हुनेजस्ता शर्तहरू समावेश छन्।

भुक्तानी भने होटल प्रयोग भएको दिन र संख्याका आधारमा मासिक रूपमा कम्पनीको खातामा गरिने व्यवस्था गरिएको छ।