मुख्य विवरणहरू:

• उपकरणको प्रकार: निक्षेप संकलन उपकरण
• रकम: ९० अर्ब रुपैयाँ
• अवधि: ४२ दिन
• बोलकबोल समय: आज (आइतबार) दिउँसो ३ बजे अनलाइन बिडिङ सिस्टममार्फत
• परिपक्वता मिति: मंसिर २१ गते (सावाँ र ब्याज भुक्तानी हुने)

आवेदन प्रक्रिया र सहभागिता:

• इच्छुक आवेदकहरूले घटीमा १० करोड रुपैयाँ र बढीमा ५ करोड रुपैयाँले निःशेष भाग जाने गरी कुल आह्वान रकमसम्मका लागि आवेदन दिन सक्नेछन्।
• निक्षेप संकलनको बोलकबोल ब्याजदरमा गर्नुपर्नेछ र बहुब्याजदरमा बहुबोलकबोल गर्न पनि सकिने व्यवस्था गरिएको छ।
• यस बोलकबोलमा ‘क’ वर्गका वाणिज्य बैंक, ‘ख’ वर्गका विकास बैंक र ‘ग’ वर्गका वित्त कम्पनी (Bank and Financial Institutions) मात्र सहभागी हुन पाउनेछन्।

बजारमा पैसा थुप्रिएपछि ब्याजदर नियन्त्रण गर्न र वित्तीय स्थिरता कायम राख्न केन्द्रीय बैंकले तरलता प्रशोचन (Liquidity Absorbtion) को क्रमलाई निरन्तरता दिएको हो। आज खरिद गरिने निक्षेप संकलन उपकरणको बाँडफाँट आजै हुने राष्ट्र बैंकले जनाएको छ।