‘राउन्ड-अप सेभिङ’ सुविधा

यस योजनाको अर्को आकर्षक विशेषता ‘राउन्ड-अप सेभिङ’ हो। यसअन्तर्गत ग्राहकले हरेक मर्चेन्ट क्यूआर भुक्तानी गर्दा निस्कने खुद्रा वा निश्चित रकमलाई सिधै आफ्नो गोल बेस्ड सेभिङ खातामा जम्मा गर्न सक्छन्। यसमा तीन विकल्प छन्:

• नियरेस्ट टु (Nearest Two): भुक्तानी रकमलाई तोकिएको नजिकको अंकमा राउन्ड-अप गर्दा बचत हुने रकम।
  • उदाहरण: यदि रु. २२४ भुक्तानी गर्दा २५ मा सेट गरिए रु. १ बचत हुन्छ (२२५-२२४)। ३० मा सेट गरिए रु. ६ बचत हुन्छ (२३०-२२४)।
• फ्ल्याट (Flat): हरेक क्यूआर भुक्तानीमा निश्चित रकम बचत हुन्छ।
  • उदाहरण: यदि रु. १०० सेट गरिएको छ भने हरेक भुक्तानीमा रु. १०० बचत हुन्छ।
• प्रतिशत (Percentage): क्यूआर भुक्तानीको रकमको निश्चित प्रतिशत बचत हुन्छ।
  • उदाहरण: १०% सेट गरिएको छ भने रु. २०० को भुक्तानीमा रु. २० बचत हुन्छ।

बैंकको परिचय र उपलब्धि

Global IME Bank लाई ग्लोबल फाइनान्स बेस्ट बैंक अवार्ड २०२४ र २०२५ तथा युरोमनी अवार्ड फर एक्सलेन्स २०२४ (र २०२५ र २०२२ मा पनि) बाट नेपालको उत्कृष्ट बैंकको रूपमा सम्मानित गरिसकेको छ।

यो बैंक नेपालको ७७ वटै जिल्लामा शाखा सञ्जाल रहेको पहिलो निजी वाणिज्य बैंक हो। बैंकले ३५२ शाखा कार्यालय, ३८४ एटीएम, १,००० भन्दा बढी सेवा केन्द्र मार्फत सेवा दिँदै आएको छ। बैंकले संयुक्त राज्य अमेरिका, बेलायत, भारतलगायत १४ भन्दा बढी देशहरूबाट रेमिट्यान्स सेवा पनि प्रदान गर्दछ।