काठमाडाैं, २१ कार्तिक । एनआईसी एशिया बैंक लिमिटेडले चालु आर्थिक वर्ष २०८२/८३ को पहिलो त्रैमासिक अपरिष्कृत वित्तीय विवरण सार्वजनिक गरेको छ। नेतृत्व परिवर्तनपछि बैंकले प्रमुख वित्तीय सूचकांकहरूमा सुधार गर्दै नाफा बढाउन सफल भएको देखिएको छ।

बैंकको अन्तरिम नेतृत्व सम्हालेका सन्तोष राठीको कुशल व्यवस्थापन अन्तर्गत बैंकको समग्र वित्तीय अवस्थामा सकारात्मक सुधार आएको वित्तीय विवरणले देखाउँछ।

नाफा र सञ्चालन मुनाफामा वृद्धि

• खुद नाफामा वृद्धि: समीक्षा अवधिमा बैंकको खुद नाफा (Net Profit) १०.५२ प्रतिशतले बढेको छ। बैंकले यस अवधिमा कुल १२ करोड २१ लाख रुपैयाँ खुद नाफा आर्जन गरेको छ। गत आर्थिक वर्षको सोही अवधिमा बैंकको नाफा ११ करोड ५ लाख रुपैयाँ थियो।
• सञ्चालन मुनाफामा सुधार: बैंकको सञ्चालन मुनाफा (Operating Profit) पनि ११.३० प्रतिशतले बढेर १९ करोड ३५ लाख रुपैयाँ पुगेको छ। गत वर्ष यो १७ करोड ३८ लाख रुपैयाँ थियो।

प्रमुख वित्तीय सूचकहरू

ब्याज आम्दानीमा सामान्य कमी

नाफा र सञ्चालन मुनाफामा सुधार आए पनि बैंकको खुद ब्याज आम्दानी (Net Interest Income) भने सामान्य अंकले घट्न पुगेको छ। असोज मसान्तसम्ममा बैंकले २ अर्ब २८ करोड ६० लाख रुपैयाँ ब्याज आम्दानी गरेको छ, जुन गत आर्थिक वर्षको सोही अवधिको २ अर्ब ५५ करोड २५ लाख रुपैयाँको तुलनामा केही कम हो।

समग्रमा, बैंकको वित्तीय सूचकांकहरूमा सुधार हुँदै गएको र सक्षम नेतृत्वले बैंकलाई देशको अग्रणी भूमिकामा अघि बढाएको वित्तीय विवरणले संकेत गर्छ।