काठमाडाैं, २६ कार्तिक । साना किसान विकास लघुवित्त वित्तीय संस्था लिमिटेडले आफ्ना सेयरधनीहरूलाई आर्थिक वर्ष २०८१/८२ को मुनाफाबाट आकर्षक लाभांश वितरण गर्ने घोषणा गरेको छ। संस्थाको २०८२ कार्तिक २६ गते बसेको सञ्चालक समितिको बैठकले लाभांशको निर्णय गरेको हो।

लाभांशको विवरण:

• कुल लाभांश: १५ प्रतिशत
• बोनस सेयर: १४.२५ प्रतिशत
• नगद लाभांश: ०.७५ प्रतिशत (कर प्रयोजनका लागि)

यो लाभांश घोषणा हाल कायम रहेको चुक्ता पुँजीमा आधारित छ। हाल लघुवित्तको चुक्ता पुँजी ४ अर्ब ३१ करोड रुपैयाँ रहेको छ।

घोषित लाभांश नेपाल राष्ट्र बैंकबाट स्वीकृति भएपछि र लघुवित्तको आगामी वार्षिक साधारण सभाले पारित गरेपछि मात्र लगानीकर्ताहरूलाई वितरण गरिनेछ।