महालक्ष्मी विकास बैंक लिमिटेडको २४ औं वार्षिक साधारण सभा सोमबार त्रिभुवन आर्मी अफिसर्स क्लब, भद्रकाली, काठमाडौंमा बैंक सञ्चालक समितिका अध्यक्ष राजेश उपाध्यायको अध्यक्षतामा सम्पन्न भएको छ।

सभामा आ.व. २०८१/८२ का वार्षिक आर्थिक विवरण, वासलात, नाफा–नोक्सान हिसाब, नगद प्रवाह विवरण, नाफा बाँँफाँड र इक्विटीमा भएको परिवर्तन लगायतका वित्तीय विवरणहरू छलफल गरी स्वीकृत गरिएका छन्।

लाभांश र बोनस शेयर वितरण

साधारण सभामा संचालक समितिको प्रस्ताव अनुसार १०.३७ प्रतिशत लाभांश वितरण गर्ने निर्णय अनुमोदन गरिएको छ।

• चुक्ता पुँजीको ५.३७ प्रतिशत नगद लाभांश

• ५ प्रतिशत बोनस शेयर

अघिल्लो आर्थिक वर्षमा बैंकले ७ प्रतिशत लाभांश वितरण गरेको थियो।

वित्तीय स्थिति र प्रदर्शन

आर्थिक वर्ष २०८१/८२ को अन्त्यमा बैंकका समग्र वित्तीय परिसूचकहरूमा सकारात्मक परिवर्तन देखिएको छ।

• आधार दर: ९.३९% (२०८०/८१) → ६.९४% (२०८१/८२)

• पुँजीकोष पर्याप्यता अनुपात: १४.९३% → १७.०६%

• निक्षेप: रु. ५६.२२ अर्ब

• कर्जा तथा सापटी: रु. ४७.२१ अर्ब

सञ्चालक निर्वाचन

बैंकको नियमावली अनुसार सस्थापक समूह (क) र सर्वसाधारण समूह (ख) बाट प्रत्येक समूहका ३–३ जना सञ्चालक निर्वाचित भएका छन्।

• सस्थापक समूह (क): राजेश उपाध्याय, संजय गिरि, सागर मल्ल

• सर्वसाधारण समूह (ख): श्याम सुन्दर रुंगटा, राहुल अग्रवाल, शालिक राम अर्याल

अध्यक्षको प्रतिबद्धता

सभामा अध्यक्ष उपाध्यायले शेयरधनीहरूको सुझाव आत्मसात गर्दै ग्राहक सन्तुष्टि र लगानीको उचित प्रतिफल सुनिश्चित गर्न बैंकका क्रियाकलापहरू थप सुधार गर्ने प्रतिबद्धता व्यक्त गरे। उनले बैंकसँग सम्बन्धित सबै सरोकारवालाहरूको सहयोगको लागि धन्यवाद ज्ञापन पनि गरे।