सोमबार बजार ५० अंकभन्दा बढीले ओरालो लागेर लगानीकर्तामा निराशा देखिएको भए पनि आजको उकालो यात्राले पुनः उत्साह भरेको छ।
आज कारोबार रकम समेत उल्लेख्यरूपमा वृद्धि भएको छ। कुल ३१७ कम्पनीका २ करोड ३५ लाख ४१ हजार कित्ता सेयर खरिदबिक्री भएका छन्। यस क्रममा कारोबार रकम ९ अर्ब ८ करोड ४५ लाख ३० हजार रुपैयाँ पुगेको छ।
यसको तुलनामा हिजो सोमबार ३२१ कम्पनीका २ करोड ११ लाख २ हजार कित्ता सेयर किनबेच हुँदा ८ अर्ब १७ करोड २१ लाख ४३ हजार रुपैयाँ बराबरको कारोबार मात्र भएको थियो।
