नेप्सेमा उछाल आए पनि आज भने कारोबार रकममा गिरावट आएको छ। आज ३११ कम्पनीका ३ करोड ५६ लाख ४९ हजार २११ कित्ता सेयर खरिद बिक्री हुँदा १६ अर्ब ३२ करोड ७१ लाख १५ हजार रुपैयाँको कारोबार भएको छ। हिजो आइतबार ३१६ वटा कम्पनीका ५ करोड १६ लाख कित्ता सेयर २१ अर्ब ४६ करोड रुपैयाँमा किनबेच भएको थियो, जसको तुलनामा आज कारोबार रकम करिब ५ अर्बले घटेको छ।

आज बैंक, विकास बैंक, फाइनान्स, होटल तथा पर्यटन, जलविद्युत्, लगानी, जीवन बीमा, उत्पादन, म्युचुअल फण्ड, निर्जीवन बीमा, अन्य र व्यापार समूहको सेयर बढेको छ। विशेष गरी माइक्रोफाइनान्स समूहको २.८२ प्रतिशत र अन्य समूहको २.१९ प्रतिशतले उकालो लागेका छन्। यसले बजारमा सकारात्मक सेन्टिमेन्ट अझै कायम रहेको संकेत गर्छ।