काठमाडाैं, ७ साउन । आगामी नाइमा नेपाल मोबिलिटी एक्सपो २०२५ मा चेरी अटोमोबाइल ग्रुपको न्यू इनर्जी ब्राण्ड ओमोडा/जेइकोको पूर्ण विद्युतीय प्रिमियम एसयूभी जेइको जे५ सार्वजनिक हुने भएको छ। एक्सपोलाई लक्षित गर्दै ओमोडा/जेइकोको आधिकारीक बिक्रेता एपीजी अटोमोबाइलले यो नयाँ एसयूभी नेपाल भित्र्याएको हो। एक्सपोबाटै यसको बिक्री सुरु गर्ने कम्पनीको योजना रहेको छ।

डिजाइन र विशेषता

जेइको जे५ ईभीलाई पहिलोपटक इन्डोनेसिया इन्टरनेशनल मोटर शो २०२५ मा प्रोटोटाइपको रूपमा प्रस्तुत गरिएको थियो भने सम्पूर्ण विनिर्देशनसहितको सार्वजनिक डेब्यु अटो शाङ्घाइ २०२५ मा गरिएको थियो। पूर्ण रूपमा विद्युत्‌बाट चल्ने यो एसयूभीमा परम्परागत ग्रिलको सट्टा पारदर्शी प्यानल र ‘जेइको’ को लोगो राखिएको छ, जसले स्लिक हेडलाइट र मिनिमल बम्परसँग मिलेर आधुनिक लुक प्रदान गर्छ। यस गाडीको समग्र डिजाइन रेञ्ज रोभर इभोकबाट प्रभावित देखिन्छ, जसमा क्लामशेल हुड, सम्पूर्ण चौडाइ ओगट्ने टेललाइट र पछाडिको स्पोइलरजस्ता विशेषताहरू समावेश छन्।