तरुण खबर
१२ श्रावण २०८२, सोमबार १२:१७
काठमाडाैं, १२ साउन । विद्युत् विकास विभागले निजी क्षेत्रको सहभागितामा निर्माण हुने तीन ठूला जलविद्युत् आयोजनाका लागि सात कम्पनीलाई सर्टलिस्ट गरेको छ । बुट (Build, Own, Operate, Transfer) मोडलमा सञ्चालन गरिने यी आयोजनाहरूका लागि सार्वजनिक आह्वानपछि प्राप्त आवेदनहरूको मूल्याङ्कन गरी विभागले सिफारिस सूची सार्वजनिक गरेको हो ।
सर्टलिस्टमा परेका कम्पनीहरूले आगामी भदौ २४ गतेभित्र प्राविधिक तथा आर्थिक प्रस्ताव बुझाउनुपर्नेछ । विभागका अनुसार, प्राविधिक प्रस्ताव सोही दिन दिउँसो १ बजे खोलिनेछ ।
विभागले २१.४ मेगावाटको इन्खुखोला–४, ६५ मेगावाटको कालीगण्डकी अपर, र ४९.५ मेगावाटको लोती कर्णाली पीआरओआर आयोजनाका लागि आवेदन आह्वान गरेको थियो ।
कुन आयोजनामा को-को सर्टलिस्ट भए ?
विभागले सिफारिसमा परेका कम्पनीहरूसँग आवश्यक थप प्रक्रिया अगाडि बढाउने तयारी गरिरहेको छ । यसबाट नेपालको ऊर्जा क्षेत्रमा निजी क्षेत्रको लगानी थप आकर्षित हुने अपेक्षा गरिएको छ ।
अनामनगर, काठमाण्डौ , नेपाल ।
9823523456
tarunkhabar5@gmail.com
