२०७४ साल भदौ २९ गते नेपाल सरकार र एमसीसीबीच हस्ताक्षर भएको सम्झौता यस वर्ष माघमा अमेरिकी राष्ट्रपतिको कार्यकारी आदेशले अस्थायी रूपमा स्थगन गरिएको थियो । तर, अब पुनरावलोकन कार्य सकिएको र नेपालसँगको सहकार्य यथावत् रूपमा अघि बढ्ने एमसीसीले स्पष्ट पारेको मन्त्रालयले जनाएको छ ।

यससँगै एमसीसीअन्तर्गतका प्रसारण लाइन र सडक पूर्वाधार परियोजनाहरू पुनः तीव्र गतिमा अगाडि बढ्ने अपेक्षा गरिएको छ । यसले नेपालको ऊर्जा र यातायात पूर्वाधार विकासमा महत्त्वपूर्ण योगदान पुग्ने विश्वास गरिएको छ ।