विधेयकमाथि दफावार छलफल

• कृषि, सहकारी तथा प्राकृतिक स्रोत समिति: दिउँसो साढे १२ बजे बसेको यस समितिको बैठकमा ‘भूमिसम्बन्धी विधेयक, २०८२’ माथि छलफल भएको छ । यस छलफलमा संघीय तथा प्रादेशिक मन्त्रालयका प्रतिनिधिहरू, नेपाल नगरपालिका संघ, गाउँपालिका राष्ट्रिय महासंघ र भूमि, कानुन तथा वन क्षेत्रका विज्ञहरूको सहभागिता रहेको थियो ।
• शिक्षा, स्वास्थ्य तथा सूचना प्रविधि समिति: दिउँसो साढे २ बजे बसेको यस समितिले ‘मिडिया काउन्सिल विधेयक, २०८०’ माथि दफावार छलफल गरेको छ । प्रेस स्वतन्त्रता र मिडिया नियमनसम्बन्धी प्रावधानका कारण यो विधेयक सार्वजनिक बहसको विषय बन्दै आएको छ ।
• विधायन व्यवस्थापन समिति: दिउँसो १ बजे बसेको यस समितिको बैठकमा ‘जलस्रोत विधेयक, २०८१’ माथि समीक्षा गरिएको छ । बैठकले नेपालमा जलस्रोतको व्यवस्थापन र उपयोगसम्बन्धी कानुनी तथा नीतिगत ढाँचामा केन्द्रित रहेर छलफल गरेको हो ।

राष्ट्रिय गौरवका आयोजनाको समीक्षा

यसैगरी, बिहान ११ बजे संघीयता सबलीकरण तथा राष्ट्रिय सरोकार समिति को बैठक बसेको थियो । यस बैठकले ऊर्जा, जलस्रोत तथा सिँचाइ मन्त्रालय अन्तर्गतका राष्ट्रिय गौरवका आयोजनाहरूको प्रगति समीक्षा गरेको छ । समितिले यी परियोजनाहरूका उपलब्धि, चुनौती र सरकारले चालेका कदमहरूका बारेमा गहन अध्ययन गरेको छ ।