यो बोलकबोलमा ‘क’, ‘ख’ र ‘ग’ वर्गका इजाजतप्राप्त बैंक तथा वित्तीय संस्थाहरू मात्र सहभागी हुन पाउनेछन्। बोलकबोलको ब्याजदरमा नै रकमको निर्धारण गरिनेछ।

आज दिउँसो ३ बजेसम्म अनलाइनमार्फत बोलकबोल गर्न सकिने राष्ट्र बैंकले जनाएको छ। सहभागी बैंक तथा वित्तीय संस्थाहरूले न्यूनतम १० करोड र अधिकतम ५ करोड रुपैयाँले भाग जाँदा निःशेष हुने गरी बोलकबोल गर्न सक्नेछन्।

सबैभन्दा कम ब्याजदर प्रस्ताव गर्नेलाई पहिलो प्राथमिकतामा राखेर रकम बाँडफाँड गरिनेछ। यसको साँवा र ब्याज भुक्तानी भने भदौ २९ गते गरिने राष्ट्र बैंकले जानकारी दिएको छ।

यसअघि पनि राष्ट्र बैंकले साउन ४ गते ५० अर्ब, साउन ७ गते ८० अर्ब, साउन ११ गते ५० अर्ब र साउन १४ गते २५ अर्ब रुपैयाँ गरी ठूलो रकम बजारबाट खिचिसकेको छ।