सन् १९६० मा स्थापना भएको गोल्यान ग्रुपले कृषि, उत्पादन, रियल स्टेट, आतिथ्य सत्कार, र नवीकरणीय ऊर्जाजस्ता विभिन्न क्षेत्रमा लगानी गरी व्यक्ति, समुदाय र राष्ट्रका लागि अवसरहरू सिर्जना गरेको कुरा फिल्ममा देखाइएको छ।

हाल देशभर २५ भन्दा बढी व्यवसाय सञ्चालन गर्दै आएको यस समूहमा ६ हजारभन्दा बढी कर्मचारी कार्यरत छन्। वार्षिक ४ सय मिलियन अमेरिकी डलरभन्दा बढीको कारोबार गर्ने यो समूहले रोजगारी सिर्जना, पूर्वाधार निर्माण, र स्थानीय उत्पादनलाई प्रोत्साहन गर्ने सिद्धान्तमा आफ्नो जग बसालेको बताएको छ।

ब्राण्ड फिल्मको बारेमा बोल्दै समूहका प्रबन्ध निर्देशक अक्षय गोल्यानले भने, “यो फिल्म हामीबारे होइन, यो ती मानिसहरूबारे हो जसको जीवन र प्रयासले हाम्रो यात्रालाई आकार दिएको छ।” उनले सौर्य ऊर्जाबाट उज्यालो पाएको बच्चादेखि लिएर आर्थिक रूपमा आत्मनिर्भर बनेका मजदुरहरूको कथालाई फिल्मले समेटेको बताए।

गोल्यान ग्रुपले विगत ६५ वर्षदेखि नाफाभन्दा माथि उठेर मानिसहरूलाई सशक्त बनाउने र दिगो भविष्य निर्माण गर्ने लक्ष्य राखेको बताएको छ। समूहले आफ्नो योगदानका लागि विभिन्न सम्मान र पुरस्कारहरू पनि प्राप्त गरिसकेको छ, जसमा सन् २०२५ र २०२० मा ‘व्यापारिक रूपमा महत्त्वपूर्ण व्यक्ति’ (सीआईपी) को उपाधि, उत्कृष्ट निर्यातक र रोजगारदाता पुरस्कार (२०२५), सर्वोच्च निर्यातक पुरस्कार (२०२४) र औद्योगिक सम्बन्धमा उत्कृष्टता पुरस्कार (२०२२) लगायतका सम्मानहरू रहेका छन्। यी सम्मानहरूले जिम्मेवार र समावेशी विकासमा समूहको भूमिकालाई देखाउँछन्।