बढुवापछि दहाललाई संस्थागत योजना तथा जोखिम व्यवस्थापन विभागको जिम्मेवारी दिइएको छ। उनी यसअघि वित्तीय संस्था सुपरिवेक्षण विभागमा कार्यरत थिए। राष्ट्र बैंकभित्र उनी एक जिम्मेवार, अनुशासित र दक्ष अधिकृतका रूपमा परिचित छन्।

यसैबीच, हालसम्म संस्थागत योजना तथा जोखिम व्यवस्थापन विभागको नेतृत्व गर्दै आएका ऋषिकेश भट्टलाई वित्त व्यवस्थापन विभागमा सरुवा गरिएको छ। व्यवस्थापन तहमा भएको यो जिम्मेवारी हेरफेरले राष्ट्र बैंकको नीतिगत र प्रशासनिक कार्यसञ्चालनमा नयाँ गति दिने अपेक्षा गरिएको छ।