नाफामा यति ठूलो वृद्धि हुनुको मुख्य कारण कर्जा नोक्सानीमा आएको कमी हो। बैंकको खराब कर्जा ३.९१ प्रतिशतबाट घटेर ३.२६ प्रतिशतमा झरेपछि कर्जा नोक्सानी व्यवस्थापनका लागि छुट्याउनुपर्ने रकम पनि ह्वात्तै घटेको छ। यस वर्ष बैंकले जम्मा १० करोड रुपैयाँ मात्र कर्जा नोक्सानीमा राखेको छ, जबकि अघिल्लो वर्ष यो रकम २ अर्ब ४५ करोड रुपैयाँ थियो।

प्रमुख वित्तीय सूचकहरूको अवस्था

• खुद ब्याज आम्दानी र कमिशन आम्दानीमा कमी: बैंकको खुद ब्याज आम्दानी ६.९३ प्रतिशत र फि तथा कमिसन आम्दानी ७.२१ प्रतिशतले घटेको छ।
• सञ्चालन मुनाफामा वृद्धि: खुद ब्याज आम्दानी घटे पनि कर्जा नोक्सानीमा भएको सुधारका कारण बैंकको सञ्चालन मुनाफा ४१.२९ प्रतिशतले बढेको छ।
• प्रति सेयर आम्दानीमा सुधार: बैंकको प्रति सेयर आम्दानी (EPS) अघिल्लो वर्षको ९ रुपैयाँ ७ पैसाबाट बढेर २७ रुपैयाँ ६३ पैसा पुगेको छ।
• वितरणयोग्य नाफा: बैंकले २ अर्ब ५५ करोड २० लाख रुपैयाँ वितरणयोग्य मुनाफा कमाएको छ।
• पूँजीगत अवस्था: बैंकको चुक्ता पूँजी १३ अर्ब ८५ करोड ५२ लाख रुपैयाँ र जगेडा कोषमा १९ अर्ब ८६ करोड रुपैयाँ सञ्चित छ।

• निक्षेप र कर्जा: गत आर्थिक वर्षको अन्त्यसम्ममा बैंकले २ खर्ब ९३ अर्ब ५७ करोड रुपैयाँ निक्षेप संकलन गरी २ खर्ब १३ अर्ब १४ करोड रुपैयाँ कर्जा लगानी गरेको छ।