सुरुवातमा भेन्यु मोडलबाट उत्पादन थालिएकोमा अहिले क्रेटा मोडलको उत्पादन पनि सुरु भइसकेको छ। कम्पनीले भविष्यमा थप मोडलहरू उत्पादन गर्ने योजना रहेको जनाएको छ। यो उपलब्धिले नेपालको मोटर वाहन उद्योगमा नयाँ युगको सुरुवात गर्दै स्थानीय उत्पादन र राष्ट्रिय गौरवलाई बढावा दिएको छ।

लक्ष्मी अन्तरमहाद्वीपीयले सुरुवातदेखि नै ग्राहक सन्तुष्टि र नवीनतालाई प्राथमिकता दिँदै आएको छ। यसले स्यान्ट्रो, ग्र्यान्ड आइ १० नियोस, क्रेटा, टक्सन जस्ता लोकप्रिय पेट्रोल गाडीहरू र आयोनिक ५, कोना तथा क्रेटा जस्ता विद्युतीय गाडीहरू बजारमा ल्याएको छ। कम्पनीले आधुनिक शोरुम, अत्याधुनिक सेवा केन्द्र र तालिमप्राप्त प्राविधिकहरूमार्फत बिक्रीपछिको सेवालाई पनि सहज र भरपर्दो बनाएको छ।

हालै सम्पन्न ‘नाइमा नेपाल यातायात प्रदर्शनी २०२५’ मा हुन्डाईलाई ग्राहकहरूबाट अभूतपूर्व प्रतिक्रिया प्राप्त भएको कम्पनीले जनाएको छ। विक्रम संवत् २०६५ मा एक आयातकर्ताको रूपमा सुरु भएको हुन्डाई नेपालको यात्रा आज ‘मेड इन नेपाल’ उत्पादनसम्म पुग्नु दृष्टि, दृढता र ग्राहकप्रति अटुट प्रतिबद्धताको परिणाम भएको कम्पनीले बताएको छ। भविष्यमा हुन्डाईले नेपालको मोटर उद्योगलाई नयाँ उचाइमा पुर्‍याउने लक्ष्य लिएको छ।